PreWedding 拍攝當日感受

河口湖拍攝當日我（新娘）病左有少少燒搞到面色好差，但化妝師都拯救到我既病樣🤍仲好溫柔細心咁同我傾計哄我笑。個日天氣都唔好影唔到富士山有少少遺憾但始終天氣因素太難預計。不過攝影師傅同燈光師”小天正”都好有經驗好快決定拍咩，去邊度搵櫻花影靚啲，補救留影唔到富士山既問題，安心曬。🫶🏻當日好凍得幾度而我（新娘）又病左，成日怕凍影一陣就急急腳要著番外套保暖，但大家都無嫌麻煩反而一直諗點樣可以令我拍攝過程舒服啲而可以影多啲相。大家都真係好好人。

而join室內PreWedding既主要原因係想同屋企既貓貓一齊影一輯（始終貓貓先係我地既主子）當日拍攝初期貓貓未在狀態，小Ken子 Addison仔 小天正 仲有化妝師Nataly都會好識氹貓貓令到主子好快進入狀態影相！！！佢地唔止係做佢地攝影師化妝師既工作仲要兼顧埋安排流程、氣氛擔當，貓貓指導員。身兼多職都無任何漏甩！！！睇黎要叫老闆加人工比佢地啦😂超幫得手🐈即使中途貓貓唔小心屙臭臭整污糟地方，大家都毫無怨言，仲提出比時間貓貓抖抖，無嫌過我地拖慢拍攝進度，超級好人。主子貪玩走後走去，大家都會有耐性慢慢幫手捉番住主子，都唔會嚇親主子🐈當日化妝師Nataly都好專業，會問左化妝set頭喜好再幫手化一個完美既妝容，之後會係一直keep住隔離望實隨時standby幫手補妝處理頭髮🤍室內景都在好多個簡，Addison仔會同我地介紹清楚每一個室內景既不同之處比我地簡出最喜愛既景，小Ken子就好識搞笑引貓貓，addison同天正就會做埋模特兒教埋我地點擺pose好，拍攝當日完全係可以100%放心交曬我地比佢地